Aliyenywesha Wanawe Sumu Ajieleza, Gwajima Amshangaa


WAZIRI wa Afya, Maendeleo ya Jamii, Jinsia, Wazee na Watoto, Dk Dorothy Gwajima, amekielezea kitendo cha Veronica Gabriel cha kuwanywesha sumu watoto wake watano kwa kisingizio cha ugumu wa maisha kuwa ni ukatili mkubwa ambao serikali haiwezi kuuvumilia.


Naye mwanamke huyo, ameieleza kamati ya ulinzi na usalama ya Mkoa wa Geita mazingira yaliyochangia hadi kufikia hatua hiyo. Veronica, mkazi wa Chato aliwanywesha sumu watoto wake hao watano juzi na wawili kati yao kufariki dunia kwa madai ya ugumu wa maisha. Watoto waliofariki ni Jane Mgema na Janeth Mgema.


Hata hivyo, watoto Grace Lemi, Grandi Manyama na Jane Mkama wanaendelea na matibabu. Kwa mujibu wa taarifa ya Waziri Gwajima, vitendo kama hivyo vinaashiria uwepo wa migogoro ya kifamilia inayotokana na sababu mbalimbali ambazo hazipatiwi ufumbuzi mapema na jamii na kusababisha matatizo ya kisaikolojia kutokana na jamii kutokutekeleza wajibu wake wa kutunza na kuimarisha ulinzi kuanzia ngazi ya familia.


Alibainisha kuwa wizara kwa kushirikiana na taasisi nyingine itaendelea kusimamia na kuhakikisha sheria za nchi zinatumika ipasavyo ili kuhakikisha wale wote wanaotenda vitendo hivyo wanachukuliwa hatua stahiki.


“Nawasisitiza maofisa Maendeleo na Ustawi wa jamii kuwa karibu na wananchi ili kujua changamoto mbalimbali zinazowakabili na kuweza kuzitatua kwa wakati ikiwemo kuwaelimisha fursa za kujikwamua kiuchumi na kuondokana na msongo wa mawazo utokanao na umaskini na sababu zingine,” aliagiza.


Aidha, alitoa rai kwa wazazi, walezi na jamii kwa ujumla kutochukua hatua za kutoa uhai wa mwingine kwani ni kumnyima haki yake ya msingi ya kuishi.


Alisema serikali inatoa huduma ya msaada wa kisaikolojia na kijamii kupitia Maofisa Ustawi wa Jamii wanaopatikana katika Ofisi za Halmashauri, Hospitali za Wilaya na kwenye vituo vya mkono kwa mkono vinavyotoa huduma kwa wahanga wa vitendo vya ukatili ambavyo vipo katika baadhi ya hospitali za mikoa.


“Ninawaomba viongozi wa dini pamoja na viongozi wa kimila pamoja na wadau mbalimbali kuendelea kushirikiana katika kuwaelimisha wananchi na kuwasaidia kufichua vitendo vya ukatili katika jamii na kubaini mapema viashiria vyake ili kuwezesha upatikanaji wa haki kwa wakati,” alisisitiza.


Veronica Gabriel (30) anayetuhumiwa kuwanywesha sumu wanawe watano na kupelekea wawili kati yao kufariki dunia amesema kiini cha kufanya hivyo ni ugumu wa maisha.


Veronica alisema hayo juzi jioni mbele ya kamati ya ulinzi na usalama ya mkoa ilipomtembelea katika Kituo cha Afya cha Kata ya Bwanga anapoendelea kutibiwa yeye na watoto wake watatu walionusurika.


Alisema ugumu huo wa maisha umechangiwa zaidi na baba wa watoto wake kumtelekeza na kushindwa kumhudumia hali iliyomuwia ngumu kwa kuwa kila mtoto ana baba yake.


“Nimefanya vibarua hadi nimechoka, hata nguvu zinaisha wakati mwingine, kuna siku nalala njaa, kwa kweli nilipoona mazingira yamenichosha, nikasema heri nife nipumzike. Kwa kweli niliona hata kama nikiacha watoto watateseka, kwa maana hata ndugu walishanitenga.


Nina kaka watatu walishanitenga, baba naye alishakamatwa, kwa kweli nilifikiria hata nikiwaacha watateseka tu, nikaona bora nife nao,” alisema.


Aliongeza: “Najua kwamba nimeshafanya kosa, ninachoomba hata kama wakinipeleka jela naomba tu wasinitese, kutokana na mateso niliyokuwa nayapata, naomba tu wanifunge lakini wasinitese.”


Veronica alisema muda mrefu ameishi maisha magumu na kumlazimu kutembea na wanaume tofauti ili apate fedha za malazi na chakula na sasa ana ujauzito wa miezi mitatu lakini aliyempa mimba hamfahamu.


Domitila Anthony, ndugu wa Veronica anayeishi Mwanza alisema walipotezana tangu mwaka 2000, hawakuwahi kuonana tena lakini baada ya kusikia taarifa ya tukio hilo aligundua aliyetenda ni ndugu yake ndio aliamua kumtembelea.


Mganga Mfawidhi wa Kituo cha Afya Bwanga, Dk Margret Kimwaga alisema uchunguzi umethibitisha watoto waliofariki na walionusurika akiwemo mama yao wote waliathiriwa na sumu na hali zao zinaendelea vizuri.


Kamanda wa Polisi Mkoa wa Geita, Henry Mwaibambe alisema baada ya uchunguzi kukamilika tayari mazishi ya watoto wawili waliofariki yameshafanyika na kuahidi kuwasaka wanaume wote waliotelekeza watoto kwani wao ndiyo kiini cha tukio hilo.


Mkuu wa Mkoa wa Geita, Rosemary Senyamule alilipongeza Jeshi la Polisi kwa kuokoa maisha ya watoto watatu na kutoa wito kwa wanawake kuachana na ngono zembe ili kuepuka mimba zisizotarajiwa zinazopelekea kupata watoto wanaoshindwa kuwalea.


Senyamule aliagiza Waratibu wa Mfuko wa Kusaidia Kaya Masikini (TASAF) kufanya ufuatiliaji wa kina wa wanawake wanaopitia magumu kama Veronica ili waweze kuwasaidia na kuepuka matukio ya aina hiyo kujirudia.



Comments

Post a Comment

Popular posts from this blog

NINATIBU KISUKARI, PRESHA, TEZIDUME, NGIRI NA NGUVU ZA KIUME

Image
         DOCTOR MBOJE, NI MTAFITI NA MGUNDUZI WA TIBA ASILI YENYE KUTIBU MAGONJWA SUGU NA MWENYE OFU YA MUNGU ANATOBU NA KUPONA KABISA UNABAKI NA ISTORIA MAGONJWA NINAYO TIBU NI  A,_KISUKARI na tibu kwa miti shamba  kunywa na kupona kabisa B,_TEZI DUME_natibu kwa miti  kunywa na kupona kabisa bila kufanyiwa upasuaji C,_NGUVU ZA KIUME    Kwa wale wenye upungufu wa nguvu za kiume na wasio kua nazo kabisa natibu kwa miti shamba na kupona kabisa D,_kutibu magonjwa mbalimbali Kama uzazi) (miguu kuvimba na kuwaka Moto) (Tumbo kujaa gesi na kupata choo ngumu) (mgongo,   kiuno) MHERA JIGURHU ni dawa ya miti shamba inatibu kisukari na kupona kabisa kwa mda wa siku 16  Sukari iwe kubwa kabisa lakini iwe normal 5.1   NNKOROBHIJE ,ni dawa ya miti shamba inayotibu  TEZI DUME bila kufanyiwa operation na kupona kabisa kwa siku 14 na kibaki history  NHUNGHU MAPANDO Kwa wale wenye upungufu wa nguvu...
Read more

Uchaguzi wa rais nchini Libya uko mashakani

Image
  Tume ya uchaguzi nchini Libya imeagiza kuvunjwa kwa kamati za uchaguzi nchini humo na kutilia mashaka uwezekano wa kuandaliwa kwa uchaguzi wa rais uliopangwa kufanyika mnamo Disemba 24. Ijumaa ya Disemba 24, ndio siku ambayo huenda ingekuwa muhimu kwa Walibya kwani kwa mara ya kwanza wangepata nafasi ya kuchagua Rais wao. Hata hivyo, kuvunjwa kwa kamati hizo za uchaguzi moja kwa moja kunamaanisha kuwa uwezekano wa kufanyika kwa uchaguzi ni mdogo mno. Muda mfupi baada ya tangazo la tume hiyo ya uchaguzi, Ujumbe wa Umoja wa Mataifa nchini Libya UNSMIL ulitoa taarifa na kuonyesha wasiwasi wake juu ya hali ya usalama katika mji mkuu Tripoli. Ujumbe huo wa Umoja wa Mataifa nchini Libya umesema kujihami kwa baadhi ya makundi kunatishia kuleta mvutano na kusababisha uwezekano wa kuzuka upya kwa mapigano. Ujumbe huo umeongeza kuwa, mizozo ya kisiasa inapaswa kutatuliwa kwa njia ya mazungumzo. Picha zilizochapishwa mitandaoni zimeonyesha vifaru na malori ya kijeshi katika wilaya...
Read more

Mambo 8 yanayosababisha Gari kuwaka Moto na Jinsi ya kuyaepuka

Image
  Gari ni kifaa au chombo kinachorahisisha usafiri, lakini kinapaswa kutumiwa kwa tahadhari kubwa. Ajali zinazotokana na magari kuwaka moto, mara kadhaa zimekuwa zikisababisha hasara kubwa au hata kugharimu maisha ya watu. Kwa hakika jambo hili si zuri, hivyo kila dereva au mtumiaji wa gari ni muhimu akachukua hatua za tahadhari mapema ili kukabili tatizo hili. Gari kuwaka moto kunaweza kusababishwa na mambo mbalimbali, fuatilia makala hii kwa karibu ili ufahamu mambo 9 yanayosababisha gari kuwaka moto na jinsi ya kuyaepuka. 1. Kuvuja kwa mafuta Ikiwa gari litavuja mafuta  ni rahisi sana kuwaka moto. Kumbuka mafuta ya gari pamoja na mafuta lainishi (oil) ni rahisi sana kushika moto. Tafiti mbalimbali za ajali zimebaini kuwa kuvuja kwa mafuta ni chanzo kikubwa cha magari kuwaka moto. Ni muhimu kuhakikisha unazingatia matengenezo na ukaguzi wa mara kwa mara wa gari lako ili kubaini kama kuna mahali panapovuja mafuta parekebishwe. 2. Hitilafu ya umeme Gari lina mfu...
Read more